Manifestación contra os recortes e o desmantelamento dos servizos públicos

A CGT da Coruña, unitariamente co resto de sindicatos da Plataforma Galega en Defensa dos Servizos Públicos, convoca á manifestación que o próximo luns, día 15 de outubro, ás 19:00 horas, sairá da Praza de Pontevedra da Coruña co obxectivo de amosar a nosa protesta polos recortes antisociais do goberno e polo desmantelamento dos Servizos Públicos, que están afectando aos sectores máis débiles da poboación. Ao mesmo tempo, están entregando nas mans privadas o que ata agora era de todos (transporte ferroviario, sanidade, educación), roubándonos o que nos custou décadas acadar. Estas políticas ocúpanse dos pobres banqueiros, pero nos recortan dereitos laborais e sindicais, nos baixan as prestacións do paro, fannos pagar máis polas menciñas, recortan salarios e pagas, déixannos sen vivendas… Non podemos consentir que nos sigan esquilmando; temos que paralos. E entre todos podemos.
BASTA XA DE MENTIRAS E DE RECORTES!
TODOS Á RÚA O DÍA 15!