*** BLOG DE LA SECCIÓN SINDICAL DE CGT EN ATENTO CORUÑA ***

signbot

viernes, 25 de mayo de 2012

ESTE CONVENIO NO NOS CONVIENE


El pasado miércoles, día 23, la patronal y los sindicatos CC.OO.-UGT firmaron el V convenio estatal sectorial, que nos condena a más explotación laboral y a menos salario hasta finales de 2014. Estos mismos sindicatos, que Noche y Día llaman a los trabajadores a movilizarse en contra de las últimas reformas laborales son los que ahora, mostrando su incoherencia e hipocresía, han pactado un convenio hecho a la medida de los salvajes recortes aprobados por los gobiernos de turno.

CC.OO.-UGT van a justificar y defender este convenio como un logro en tiempos de crisis, cuando la realidad es que las empresas del sector (Atento España ganó unos 10 millones de euros en 2011) han seguido engordando sus arcas gracias a someternos a reducciones de jornada y despidos fraudulentos, horarios a gusto de la empresa y amenazas y agresiones continuas a nuestra salud.

Tras dos años y medio de reuniones y una “ardua negociación” han alcanzado este gran pacto, que incluye un falso aumento salarial de un 0,5% para los años 2011 y 2012, un 0,6% para 2013 y un 0,7% para 2014. Como propina, cobraremos un 0.5% de atrasos sobre el salario de 2010. Todo este dineral es incluso menor que el acordado por CC.OO.-UGT con las asociaciones empresariales a principios de este año (II Acuerdo para el Empleo y la Negociación Colectiva 2012, 2013 y 2014)

El otro gran triunfo que han conseguido es que al final de 2014 habrá un 10% más de contratos indefinidos; eso sí, a cambio los trabajadores temporales tendrán que superar la difícil misión de no ser despedidos antes de cumplir 4 años en la empresa (hasta ahora se pasaba a indefinido a los 3 años). 

Por último, suponemos que la crisis les ha impedido aumentar el número de delegados sindicales liberados (CC.OO. sigue con 10 y UGT con 8).

viernes, 18 de mayo de 2012

A CGT GAÑA AS ELECCIÓNS SINDICAIS EN EUROCEN E ZARA LOXÍSTICA NA CORUÑA


As candidaturas da CGT foron as listas mais votadas nas eleccións sindicais que onte se celebraron tanto na empresa do sector do telemárquetin Eurocen como en Zara Loxística, do grupo Inditex, dúas das maiores empresas da comarca.
Na empresa Eurocen a lista da CGT foi a candidatura mais votada, obtendo tamén o maior número de delegados, con 8 delegados. Na empresa Zara Loxística a candidatura da CGT foi a lista que obtivo un maior apoio entre os traballadores, resultando elixidos 7 delegados.
Estes resultados amosan o crecemento do apoio entre a clase traballadora a unha acción sindical que enfronta con firmeza os ataques do capital e dos gobernos. Os traballadores e traballadoras teñen apostado con forza pola CGT e por un modelo sindical distinto que, dende o seu carácter asembleario e combativo, seguirá a traballar na defensa dos dereitos da clase obreira apostando pola autoxestión e a solidariedade.

A CGT, mobilizada, saca a Laura do cárcere

A nosa compañeira Laura Gómez foi posta en liberdade onte á tarde. Logo dunha intensa campaña de solidariedade con multitude de mobilizacións en todo o mundo en esixencia da súa liberación, a nosa compañeira se encontra xa en liberdade e na compañía dos seus familiares, amistades e compañeiros que a recibiron á porta da cadea de Wad-Rass.
A posta en liberdade da compañeira foi decretada pola xuiza cunha inxusta fianza de 6000 euros que Laura e maila CGT de Barcelona teñen decidido cubrir.
As mobilizacións da CGT en solidariedade coa compañeira Laura se reanudarán unha vez coñecidas as datas do xuizo ata conseguir a liberdade total, incondicional e sen cargos da nosa compañeira.

jueves, 3 de mayo de 2012

Concentración pola liberdade de Laura

O próximo sábado, día 5 de maio, ás 12:00, no Obelisco da Coruña, a CGT convoca unha concentración para esixir a liberdade da compañeira Laura, secretaria de organización da CGT de Barcelona, encadeada inxustamente con cargos inventados de incendio subsidiariamente de danos, coaccións, delito de desórdenes públicos e delito contra os dereitos fundamentais durante a súa participación na Folga Xeral do 29 de marzo, cando o que fixo foi quemar, a cara descuberta e de forma simbólica, unha caixa de cartón con cartos falsos ante a Bolsa de Barcelona. 

Nota de prensa do Comité de empresa

O COMITÉ DE EMPRESA DEMANDA A ATENTO POLAS REDUCIÓNS DE XORNADA APLICADAS A PRETO DE 180 TRABALLADORES NA CORUÑA

O 2 de maio tivo lugar o preceptivo acto de conciliación entre Atento (filial de Telefónica) e o comité de empresa, motivado polas reducións de xornada que a empresa aplicou a principios de abril a preto de 180 traballadores do servizo técnico de banda ancha de Telefónica (CAT ADSL-1002). Recordamos que Atento reduciu inxustificada e unilateralmente as xornadas dos traballadores afectados ata en 5 horas semanais, o que equivale a unha baixada salarial duns cen euros ao mes nuns salarios que roldan os 800 euros mensuais.
O comité de empresa volveu esixir a retirada da medida a Atento por tratarse de reducións inxustificadas e, en calquera caso, evitables; de novo Atento non quixo chegar a acordo, co que o mesmo día a representación legal dos traballadores interpuxo demanda de conflito colectivo reclamando a nulidade das reducións de xornada.
O comité de empresa denuncia unha vez máis a prepotencia da que fan gala Telefónica e Atento cando se trata de agredir e recortar os dereitos dos seus traballadores. Nesta ocasión non lles abondou con reducir innecesariamente as nosas condicións laborais, senón que aínda foron máis lonxe ríndose de nós: xusto unha semana antes do acto de conciliación polo conflito das reducións de xornada, Atento decide anunciar e celebrar ao grande no seu centro de traballo da Coruña a consecución dun novo galardón empresarial (Great Place to Work)
. Para o comité de empresa este tipo de premios á "excelencia empresarial" non son máis que un artificioso xeito de vender unha imaxe corporativa ideal diametralmente oposta á realidade laboral dos traballadores, que nesta empresa -como en todas as do sector- raia a escravitude. Unha mostra diso encontrámola en varias avaliacións de riscos psicosociais que se realizaron entre o equipo e que evidencian unha nociva carga mental no traballo. Aínda que é patente que as nosas condicións seguen empeorando, Telefónica e Atento nada fan para palialo; moi ao contrario: seguen fomentando a explotación e conflitividade laborais e optando por que sexan os xulgados os que ditaminen as consecuencias dos seus atropelos.

martes, 1 de mayo de 2012

Manifesto CGT 1º Maio Coruña

Compañeiras e compañeiros:
O Primeiro de Maio lembramos a loita de millóns de homes e mulleres que ao longo da historia defenderon a dignidade e os dereitos da clase obreira.
Lembramos a loita que levou á morte a cinco traballadores anarquistas en Chicago en 1886 por reclamaren a xornada de 8 horas.
Dende aqueles días ata hoxe, moitas foron as conquistas que temos arrancado á voracidade do capital e dos gobernos. Pero hoxe estas conquistas están sendo atacadas e perigan os dereitos que tanta loita, tantas vidas teñen costado.
Este capitalismo do século XXI, acadado o seu máximo nivel de desenvolvemento e globalización, aperta aínda máis a soga arredor dos nosos pescozos e incrementa os niveis de explotación, tentando facernos regresar a condicións de escravitude.
A última Reforma Laboral deixa o salario, a xornada, a seguridade, a mobilidade, as tarefas a desenvolver ao libre arbitrio egoísta do patrón.
Estannos a roubar o dereito a unha pensión digna, á estabilidade no emprego, a unhas condicións dignas de traballo e de vida, … mentres privatizan os servizos públicos e recortan os gastos sociais e converten o acceso á educación nun privilexio.
As últimas medidas de recorte atacan de novo aos sectores máis empobrecidos da poboación: limitan o acceso ás medicinas ao incrementar o seu prezo, deixan sen cobertura sanitaria aos estudantes ou traballadores que buscan o seu primeiro emprego se teñen máis de 26 anos, aos inmigrantes sen papeis, obrigan a pagar o transporte ás persoas que necesitan rehabilitación ou coidados especiais...
As cifras do paro son arrepiantes: case seis millóns non teñen emprego –preto de 300.000 en Galicia, 100.000 na Coruña- e 1.700.000 familias teñen todos os seus membros en paro, mentres o goberno segue cargando a crise sobre as nosas costas e recortando dereitos.
Ninguén nos ten regalado graciosamente estes dereitos, tivémolos que pelexar. E agora é de novo tempo de loita.
Por tal motivo, a CGT convocou e participou activamente en tres folgas xerais en Galicia en pouco mais dun ano, porque entendemos que a mobilización é o único camiño para recuperar o que nos teñen roubado utilizando como escusa unha crise económica provocada polos ricos e os poderosos.
Por iso, seguimos e debemos seguir a loitar nas factorías, nos centros de traballo, nas rúas, … porque temos que recuperar os dereitos que nos teñen sido arrebatados.
Temos que impedir que unha caterva de millonarios sen escrúpulos nos manipulen, nos humillen e nos exploten.
Pero non vai a ser sinxela esta loita. Son estes tempos duros e aínda o serán máis. Xa levan tempo preparándose para a represión contra o movemento obreiro e contra toda persoa ou colectivo que non se axuste as súas directrices e trate de combater a súa opresión.
Así, a compañeira Laura da CGT de Barcelona segue na cadea tras ser detida inxustamente pola súa participación na folga xeral, igual que outros traballadores e traballadoras que teñen expresado claramente que non están dispostos a seguir aturando os seus abusos, a súa explotación.
Só mediante a solidariedade e a axuda mutua lograremos vencer a súa represión. Esiximos a posta en liberdade de tódolos traballadores e traballadoras en prisión por defender a súa dignidade, a nosa dignidade. Nestes tempos é preciso, que os traballadores e traballadoras nos agrupemos, nas asociacións de traballadores que, como a CGT, constitúen os instrumentos de defensa da clase obreira para loitar polas súas condicións de traballo, polas súas condicións de vida, preparando o camiño para ocupar o noso lugar na historia, para construírmos, sobre as ruínas deste sistema capitalista fracasado, un mundo novo de liberdade, igualdade e xustiza social.
Viva a loita da clase obreira!!
Viva o primeiro de maio!!
Viva o comunismo libertario!!